28/11/2011

O affaire Urdangarin xoga ao público fondos de inversión da Casa Real vencellados a Warren Buffett

  Juan Luís Galiacho.  Adaptado e traducido de aquí.


O curmán de Letizia Ortiz, o avogado David Rocasolano Llácer, implicado no caso de corrupción no Concello socialista madrileño de Ciempozuelos, aparece en toda está nova trama. O conglomerado financeiro está dirixido polo multimillonario americano Warren Buffett e manéxase desde o seu holding Berkshire Hathaway Ante unha pregunta concreta do fiscal xeral do Estado: "Hai datos obxectivos para imputalo"-, o fiscal Horrach contestou: "Non só para imputalo, para condenalo"

As investigacións de Extraconfidencial.com confirman que o escándalo ocasionado polo pago de fondos públicos ao armazón de empresas de Iñaki Urdangarín, xenro do Rei de España, Juan Carlos I, está a pór en dúbida e en grave perigo á Casa Real española. Debido a toda a fervenza de noticias sobre os manexos irregulares do marido da infanta Cristina e o presunto desvío de fondos a paraísos fiscais, como Luxemburgo, Belice ou pequenos estados asociados ao Reino Unido, están a aparecer novas actividades financeiras vinculadas a persoas moi próximas á Familia Real española.

Tras moitos anos de opacidade informativa en referencia as finanzas da Casa do Rei, das que só se coñece que recibe preto de nove millóns de euros ao ano dos orzamentos do Estado, e que depende do seu libre criterio a súa administración total, agora as investigacións xudiciais do caso Urdangarín poden aclarar cal é a asignación verdadeira que percibe a infanta Cristina do devandito orzamento. Asegúrase desde o Palacio da Zarzuela que é acorde co número de actos institucionais aos que a infanta acode.

Novas vías de investigación

No entanto, as investigacións sobre Iñaki Urdangarín abriron a caixa de Pandora e agora sae á luz un novo fondo de investimento no que aparecen vinculados destacados personaxes da Casa Real, tapados por distintas sociedades pantalla, e vinculado co financeiro multimillonario americano Warren Buffet. Trátase dun do tres homes máis ricos do planeta, cunha fortuna superior aos 50.000 millóns de dólares, nacido o 30 de agosto de 1930 en Omaha (Nebraska), e un dos maiores inversionistas do mundo. Todo o seu conglomerado financeiro móvese desde o seu holding Berkshire Hathaway, no que é o maior accionista Trátase dun holding de risco, onde se distribúen os capitais dos inversionistas entre diferentes sociedades, segundo a contía, para non espertar sospeitas ante o Fisco.

As investigacións de Extraconfidencial.com indican que dentro das súas ramificacións en España aparece a figura do primo irmán de Letizia Ortiz, o avogado David Rocasolano Llácer, implicado no caso de corrupción no concello socialista de Ciempozuelos (Madrid). En xuño de 2010, o primo da princesa de Asturias declarou no Xulgado de Instrución número 2 de Valdemoro en calidade de testemuña para explicar porque extraeu 385.000 euros da conta dun dos imputados por branqueo de capitais obtidos ilicitamente das comisións pagas por distintos construtores aos responsábeis do devandito concello madrileño

O primo político de Don Felipe

O primo político de Felipe de Borbón extraeu 385.000 euros en efectivo dunha das contas de Frangest SL, unha das sociedades tapadeiras de Francisco Javier Marazuela, presunto home de palla do entón edil desta localidade madrileña, o socialista Pedro Torrexón. O avogado Rocasolano afirmou ante o xuíz de Ciempozuelos que sacou ese diñeiro para comprar en poxa unha vivenda, co seu correspondente garaxe, en setembro de 2006 na urbanización As Lombas, en Marbella (Málaga), pero sen xustificar o por que o fixo, nin en base a que o retirou. O trato de favor recibido polo primo de Leticia Ortiz foi denunciado no seu día polo sindicato Mans Limpas.

David Rocasolano efectuou a compra a través da súa sociedade Rocasolano e Asociados SL., con sede social situada á beira do Parque do Retiro madrileño, na rúa de Eivissa. O primo de Letizia Ortiz tamén traballa como socio no bufete de Francisco Javier Ledesma Bartret, que foi avogado do consistorio de Ciempozuelos.

David Rocasolano, "íntimo" dos príncipes

Rocasolano estivo presente en moitos dos eventos da Familia Real española. Por exemplo, foi testemuña na voda da súa curmá Letizia Ortiz e tamén acudiu ao bautizo das infantas Leonor e Sofía. Á súa vez, figurou na primeira foto de familia tras a pedida de man do príncipe Felipe de Borbón e Letizia Ortiz Rocasolano. Ocupaba a segunda fila xunto á súa esposa, Patricia Reina, e á beira de Iñaki Urdangarín e a infanta Cristina.

Precisamente, hai uns días o Fiscal Xeral do Estado, Conde Pumpido, chamou con urxencia a Madrid ao fiscal Anticorrupción de Mallorca, Pedro Horrach, para que lle informase con precisión acerca das investigacións xudiciais e policiais que se están levando a cabo para aclarar os supostos pagos ilícitos recibidos polo xenro do Rei de España. Ante unha pregunta concreta do fiscal xeral do Estado: "Hai datos obxectivos para imputalo?-", o fiscal Horrach contestou: "Non só para imputalo, para condenalo".

Nenhum comentário: